Carolyn Carlson Company

Carolyn Carlson, dantza garaikideko Andere handiak, Lurra eta bizidunari omenaldi sutsua eskaintzen du sorkuntza honekin. Begi olerki onirikoa, amodio bizi adierazpen indartsua.

 The TREE, koreografo itzel horren azken sorkuntzak hesten du Gaston Bachelard-en liburuak oinarri dituen pieza zikloa. Lehertzekotan den gizadia eta izadiari buruzko gogoeta baten gisara asmatua, suaren indar sinbolikoa elementuen konplexutasunari hartzen dio pieza honek, suntsipenarena bezainbat bizitza, amodioa eta eraldaketaren sinonimo izanik. Gao Xingjian margolariak Txinako tintaz burutu margolanen eszenografia emendatuaren muinean, irudimenezko paisaia dirdiratsuak irekitzen ditu gugan, eskaintza gisako dantza honek.