Rencontres professionnelles

2019an sortua, Arte Ederren Akademiako idazkari iraunkor Laurent Petitgirard-en ekimenez, koreografia atalak lau koreografo nagusi biltzen ditu: Thierry Malandain, Blanca Li, Carolyn Carlson eta Angelin Preljocaj. Hiru kide korrespontsalek (Didier Deschamps, Dominique Frétard eta Laure Guilbert) lagunduta, haien egitekoa da sariak eta beka akademikoak ematea, hasiberrientzako edo dagoeneko aitortuak diren artistei egoitzak eskaintzea, bai eta proiektu, ekitaldi eta arte koreografikoaren arloko elkarteentzako laguntzak ematea ere. Aholku-organo gisa, Arte Ederren Akademiak jarduera garrantzitsua garatzen du gai artistikoei buruzko gogoeta-lanetan, astean behin egiten dituen saioetan, non kultur arloko hainbat pertsona gonbidatzen dituen gai anitzei buruz hitz egiteko.

Thierry Malandainen gonbidapenari jarraiki, eta lehen aldiz Le Temps d’Aimer jaialdiaren programazioan elkartuta, lau akademikoek Biarritzen duten presentzia baliatuko dute korrespontsalekin batera beren atalaren lehen bilera antolatzeko, Arte Ederren Akademiaren udako etenaldiaren ondoren.